發佈 Krita 5.1.0 第二個測試版本 (Beta 2)

今日我哋發佈咗 Krita 5.1.0 嘅第二個測試版本。

想知道完整嘅新功能清單嘅話，可以睇下仲未寫完嘅英文版發佈通告喎！

你亦都可以睇下以下由 Wojtek Trybus 製作嘅更新內容影片：

 

Krita 係自由、免費同開源嘅專案。請考慮加入 Krita 發展基金、損款，或者購買教學影片支持我哋啦！有你哋嘅熱心支持，我哋先可以俾核心開發者全職為 Krita 工作。

注意：Krita 5.1 Beta 1 測試版本中含有一個程式錯誤，或者會導致筆刷預設儲存出錯，令到筆刷喺其他 Krita 版本入面載入時會 crash。如果你曾經用 Beta 1 製作或者修改筆刷預設，依個 Python 指令稿可以幫你修正依啲筆刷預設。

喺發佈 Beta 1 之後，我哋修正咗以下問題：

• 修正喺切換作業空間時調色板改變。 (Fix changing workspaces selecting different palettes.) BUG:446634
• 修正當資源資料夾唔係預設位置時載入範本嘅問題。 (Fix loading templates if the resource folder is in a non standard location.) BUG:452706
• 修正喺移除標籤時切換筆刷預設或會出現嘅 crash。 (Fix occasional crash selecting a preset when a tag is removed.) BUG:454052
• 喺儲存作業空間後清空作業空間名稱輸入方塊。 (Clear the name of a workspace after saving it.) BUG:446652
• 修正色彩塗抹設定頁嘅循環更新問題。 (Fix cycling updates in the color smudge brush configuration page.) BUG:455244
• 容許載入及儲存名稱中帶英文句號嘅資源到資源包內。 (Make it possible to save and load resources with dots in the name to bundles.) BUG:453702
• 容許重覆使用 G'Mic 嘅「Curves」濾鏡。 (Make it possible to use the G'Mic curves filter more than once.) BUG:455891
• 修正匯出調色板時嘅 Assert 陳述式。 (Fix an assert when trying to export a palette.) BUG:454949
• 修正儲存文字到 PSD 時出現嘅 crash。 (Fix crash when saving an image with text to PSD.) BUG:455988
• 修正圖層色彩標籤嘅無限遞迴問題。 (Fix infinite recursions in the layer color label selector.) BUG:456201
• 根據畫面 DPI 縮放設定選取區域外框斑點嘅大小。 (Set the size of the selection's marching ants based on the screen's dpi.) BUG:456364
• 當喺冇顯示出嚟嘅文件入面含有使用中選取區域時，降低閒置時嘅 CPU 使用率。 (CPU Reduce idle cpu usage when a selection is active in an image that is not currently shown.) BUG:432284
• 修正喺關閉設定視窗時或會出現嘅 crash。 (Fix crash when closing the settings dialog window under some circumstances.) BUG:445329
• 修正喺裁切影像後網格設定變為無效嘅問題。 (Fix issues with Grid settings becoming invalid when cropping.) BUG:447588
• 修正喺復原筆跡時影像投射崩壞嘅問題。 (Fix random artefacts in the image projection when undoing brush strokes.) BUG:453243
• 提高圖案縮放上限到 10000%。 (Increase the maximum pattern scaling to 10000%.)
• 修正無法載入灰階檔案圖層時嘅 Assert 陳述式。 (Fix an assert when a grayscale file layer fails to load the image.) BUG:456201
• 修正使用 G'Mic 濾鏡多個圖層輸入嘅圖層順序。 (Fix layer order when using multiple layer inputs for G'Mic filters.) BUG:456463
• 修正拖放向量形狀圖層到唔同解析度影像時出現嘅問題 (Fix drag and drop of shape layers when the source and destination images have a different resolution.) BUG:456450
• 修正喺同時移除多個圖層時或會出現嘅 crash。 (Fix a crash when trying to remove multiple layers at once.)
• 修正拖放向量形狀圖層到唔同影像時出現嘅 crash。 (Fix a crash when dragging and dropping a vector layer from one image to another.) BUG:456450
• 修正導致喺自動儲存時輕機嘅 Assert 陳述式。 (Fix an assert in on document saving that caused freezes on autosaving.) BUG:456404
• 令「閉合區域填充工具」依照影像界限操作。 (Make the enclose and fill tool take into account image limits.) BUG:456299
• 修正旋轉方塊。 (Fix rotating rectangles.)
• 修正拖放插入為參考圖。 (Fix dropping reference images not working at all.) BUG:456382
• 改善繪製筆刷外框嘅效能。 (Improve the performance of the brush outline cursor.) BUG:456080
• 修正拖放插入嘅圖層名稱。 (Fix the layer name for layers added through drag and drop.) BUG:455671
• 修正貼上影像嘅位置。 (Fix positioning of pasted images.) BUG:453247
• 修正當使用咗混色模式、不可見度或擦除模式時填充工具嘅快速模式。 (Fix fast mode when blending mode, opacity or eraser is used in the fill tool.)
• 修正喺對使用中選取區域使用濾鏡嗰陣出現嘅 crash。 (Fix a crash when trying to filter an active selection.) BUG:455844
• 改善動畫不透明度關鍵影格改動嘅復原操作。 (Improve undo of opacity animation keyframe changes.) BUG:454547
• 修正喺設定複製圖層嘅不透明度關鍵影格時出現嘅 crash。 (Fix a crash when setting an opacity keyframe on a copied layer.) BUG:454547
• 修正喺移動動畫變形遮罩嗰陣嘅 Assert 陳述式。 (Fix an assert when moving an animated transform mask)
• 修正預製筆刷嘅外框形狀。 (Fix brush outlines of predefined brushes.) BUG:455912
• 喺更改停駐點色彩嗰陣正確咁更新網狀漸變。 (Update the meshgradient properly if the stop color is changed.)
• 修正更改向量形狀漸變嘅停駐點。 (Fix editing the stops of a vector shape gradient.) BUG:455794, BUG:447464, BUG:449606
• 修正匯出 JPEG-XL 動畫嘅問題。 (Fix issues when exporting an animation to JPEG-XL.) BUG:455597, BUG:455598
• 支援喺 TIFF 影像入面使用 YCbCr 及 JPEG 壓縮。 (Support YCbCr and JPEG compression in TIFF files.)
• 容許載入 1ppi 解析度嘅影像。 (Make it possible to load krita files with 1ppi resolution.) BUG:444291
• 改善總覽圖嘅更新頻率。 (Improve the refresh rate of the overview docker.) BUG:443674
• Android: 使用正確嘅全螢幕圖示。 (use the correct full-screen icon in the statusbar.) BUG:456065
• Python: 喺修改設定 annotation 時將影像設定為已修改。 (set the image modified when changing an annotation.) BUG:441704
• 修正複製貼上參考圖。 (Fix copy/pasting of reference images.) BUG:454515
• 修正喺匯入輔助尺集合後復原操作引致嘅 crash。 (Fix crash on undo after importing an assistant set.) BUG:455584
• 修正喺使用 OpenColorIO 時嘅效能問題。 (Fix slowdowns when using OpenColorIO.)
• 修正消失點同橢圓輔助尺嘅可見度設定。 (Fix visibility for Vanishing Point Assistant and Ellipse Assistant.)
• Python: 令「Node::setColorSpace」喺揾唔到指定色彩設定檔時傳回「false」。 (make Node::setColorSpace return false if the specified profile couln't be retrieved.) BUG:454812
• 修正喺設定「單指拖曳」手勢到「縮放及旋轉畫布」時嘅 crash。 (Fix a crash after assigning "one finger drag" to zoom and rotate canvas.) BUG:455241
• 修正喺影像操作進行中時開啟 G'Mic 引致嘅 crash。 (Fix a crash when opening G'Mic when the image is busy.)
• 最佳化所有 SVG 圖示。 (Optimzie all svg icons.)

下載

Windows

如果你使用免安裝版：請注意，免安裝版仍然會同安裝版本共用設定檔同埋資源。如果想用免安裝版測試並回報 crash 嘅問題，請同時下載偵錯符號 (debug symbols)。

注意：我哋依家唔再提供為 32 位元 Windows 建置嘅版本。

• 64 位元安裝程式：krita-x64-5.1.0-beta2-setup.exe
• 64 位元免安裝版：krita-x64-5.1.0-beta2.zip
• 偵錯符號 Debug symbols（請解壓到 Krita 程式資料夾入面）

Linux

• 64 位元 Linux: krita-5.1.0-beta2-x86_64.appimage

Linux 版本依家唔使再另外下載 G'Mic-Qt 外掛程式 AppImage。

macOS

注意：如果你用緊 macOS Sierra 或者 High Sierra，請睇下依段影片了解點樣執行開發者簽署嘅程式。

• macOS 軟件包：krita-5.1.0-beta2.dmg

Android

我哋提供嘅 ChomeOS 同 Android 版本仲係測試版本。依個版本或可能含有大量嘅 bug，而且仲有部份功能未能正常運作。由於使用者介面仲未改進好，軟件或者須要配合實體鍵盤先可以用到全部功能。Krita 唔啱俾 Android 智能電話用，只係啱平板電腦用，因為使用者介面嘅設計並未為細小嘅螢幕做最佳化。

• 64 位元 Intel CPU APK
• 32 位元 Intel CPU APK
• 64 位元 Arm CPU APK
• 32 位元 Arm CPU APK

原始碼

• krita-5.1.0-beta2.tar.gz
• krita-5.1.0-beta2.tar.xz