Krita 5.0 正式版隆重登場!Krita 5.0 終於正式發佈喇! 今次係一個非常大嘅發佈版本。依個版本加入咗勁多新功能,亦做咗大量改進。以下係一啲焦點內容: Krita 處理筆刷、漸變、調色板等等資源嘅方式,仲有資源標籤嘅管理已經被完全重寫咗。依個全新嘅資源管理系統依家比起以前快咗好多,亦都大幅減少咗 Krita 要用到嘅 RAM(記憶體),而且比以前更加可靠! 改善咗漸變效果:依家漸變睇起上嚟更加平滑,而且支援有更多顏色嘅廣色域。 色彩塗抹筆刷引擎經過重新編寫,另外亦都新增咗一個 MyPaint 筆刷引擎。 動畫功能經過大翻新,唔單止改善咗使用者介面,仲有一系列嘅新功能,包括再製影格同埋可以動畫化變形遮罩。 Krita 新增咗一個分鏡圖編輯工具! 新嘅錄影工具俾你可以錄製繪畫嘅過程並且產生縮時影片。 介面嘅正體中文翻譯經過修正,而且幫一部份嘅功能改咗名。詳情請參見發佈通告。 除此之外,仲有好多其他改進㗎!如果想了解更多,可以睇發佈通告,裏面含有更全面嘅介紹。 影片音樂由 Irene Fariña 提供。 如果你曾經喺 Microsoft Store、Epic Store、Steam 商店或者 Google Play 商店購買過 Krita,你將會喺稍後時間,等商店系統處理完更新後接收到今次更新。喺依幾個商店,我哋會為 Krita 保持住舊有嘅售價直到一月十號。如果你想用依家嘅價格購買 Krita,請唔好錯過依次機會呀! 由 Krita 5.0 起,我們都會開始喺 Apple 嘅 Mac App Store 上面發佈 Krita 㗎! Krita 係自由、免費同開源嘅專案。請考慮加入 Krita 發展基金、損款,或者購買教學影片支持我哋啦!有你哋嘅熱心支持,我哋先可以俾核心開發者全職為 Krita 工作。 下載 Windows […]