Krita 嘅使用者介面簡單易明。你可以將唔同嘅工具面板自由重組，自訂一套介面以配合你嘅工作流程。自訂嘅介面可以儲存做作業空間，方便隨時切換。你亦可以自訂唔同工具嘅鍵盤快捷鍵。
Krita 內置嘅向量圖形工具方便製作漫畫。向量圖庫內置各種對話框模板。向量線條同圖形嘅節點可以任意修改，你亦可以製作自己嘅向量圖庫。用文字工具可以喺畫布上加入文字對話。Krita 嘅向量圖形係採用 SVG 格式。
Krita 帶有超過九種筆刷引擎。每種筆刷引擎都包含大量選項俾你自訂啱心水嘅筆刷。顏色塗抹、形狀、噴霧，甚至係濾鏡引擎，每種筆刷引擎都係針對某種特定嘅要求而整出嚟。自訂嘅筆刷可以儲存起嚟並且用標籤嚟分類。
只要切換成動畫（”Animation”）作業空間，Krita 即刻變身成為動畫工作室。你可以運用唔同圖層將畫作轉變做動畫，並且龨出成影片或 GIF 圖片分享畀其他人。
> 認識動畫製作功能
輔助尺工具
Krita 嘅輔助尺工具可以幫你畫出完美嘅圖形。輔助尺工具包含直線、消失點透視、橢圓形、曲面嘅魚眼透視等等共9種輔助尺。各種輔助尺都可以同時使用。
選取區域及變形
色彩管理
Krita 完全支援 ICC 以及 EXR 嘅色彩管理（分別透過 Little CMS 及 OpenColor IO）。你可以將 Krita 整合到你現有嘅色彩管理流程。Krita 亦內置各種涵蓋唔同用途嘅 ICC 工作色彩空間特性文件，加上內置嘅色彩空間瀏覽器俾你檢視唔同色彩空間嘅色域。
顯示卡圖形加速
Krita 可以使用 OpenGL（Windows 版本同時支援 Direct3D 11）作硬件圖形加速。當啟用咗圖形加速時，畫布旋轉同縮放嘅效能會有所提升，縮細睇嘅時候亦可以有比較好嘅畫質。
支援 PSD 檔案
Krita 可以開啟 PSD 檔案，甚至連部份 Photoshop 開唔到嘅檔案都能夠開啟。如果你嘅畫作需要同其他程式互通，Krita 亦可以將你嘅畫作儲存為 PSD 檔案。
HDR 作畫
Krita 係唯一一套可以開啟、儲存、修改及製作 HDR（高動態範圍）以及 scene-referred（場景相關）嘅繪圖軟件。加上 OpenColor IO 同 OpenEXR 嘅支援可以俾你調校視覺以仔細檢查 HDR 圖片，用喺電影同視覺效果行業中先進嘅工作流程。
Python 程式指令稿
Krita 提供嘅 Python API 加上 PyQt 可以用嚟擴展 Krita，製作自訂工具面板以及各種進階功能。Krita 內置咗一啲 Python 外掛程式俾你用嚟參考。
教學資源
除咗網上搵到嘅第三方教學資源，Krita 亦有提供官方嘅使用教學同埋說明文件，幫你更快上手。
Krita 係免費開源嘅自由軟件，依家係，將來都會係。
「好易用嘅畫畫工具，適合任何人使用」
「Krita 係強大嘅 app，任何數碼創作家起碼都應該要試下」
「由畫家開發，快速靈活而且免費嘅 Photoshop 替代品」
「Krita 俾到初出道嘅新手畫家一套專業嘅工具」
如果你係用開其他軟件嘅話，我哋都有啲資料可以俾你參考下：
我哋仲有一啲教學：
