- 無試用版。
- 無付費訂閱。
- 無限創作自由！
介面清晰靈活
作畫：Sad-teaKrita 嘅使用者介面簡單易明。你可以自由重組唔同工具面板，自訂一套介面去配合你嘅工作流程。自訂嘅介面可以儲存做作業空間，方便隨時切換。你亦可以自訂咁多種工具嘅鍵盤快捷鍵。
認識 Krita 嘅使用者介面- 可以自訂嘅版面配置
- 超過 30 種工具面板提供各樣功能
- 可切換暗色同亮色介面主題
工具齊全
向量圖形及文字工具
內置嘅向量圖形工具方便用嚟製作漫畫。由向量符號庫選取對話框模板拖放一下就可以加到畫布上。向量圖形嘅節點可以任意修改，你亦可以製作自家嘅向量符號庫。使用文字工具就可以將文字對話加到畫布上。Krita 採用 SVG 格式管理向量圖形。
了解更多
筆刷引擎
超過九種筆刷引擎可供選用。每種筆刷引擎都提供大量選項讓你自訂心目中的筆刷。無論是色彩塗抹引擎、形狀引擎、噴霧引擎，甚至是濾鏡引擎，每種筆刷引擎都是為針對某種特定要求而設。建立好的筆刷可以儲存為筆刷預設，並透過 Krita 獨特的標籤系統加以分類。
了解更多
簡潔而強大嘅平面動畫空間
只需要切換到動畫作業空間，Krita 即刻變身做動畫工作室。利用圖層合成動畫，然後匯入音訊，並微調影格，令你嘅繪圖郁動起嚟。完成之後，你可以將作品匯出做影片同朋友分享，或者將影格匯出做影像序列，方便用其他應用程式嚟繼續創作。
功能介紹
- 多圖層與音訊支援
- 時間軸支援成千個影格
- 可以隨時暫停、重播預覽動畫，或者喺時間軸上拖曳嚟快速切換目前影格
- 支援洋蔥皮檢視，幫助中割補格
- 改變不透明度同位置嘅時候可以自動補間
- 改變開始時間、結束時間同影格速率 (FPS)
- 匯出做影片、GIF 動態影像或者靜止影格影像
- 拖放影格嚟改變時序
- 用快捷鍵建立重複影格同拉前影格
- 如果效能唔夠，可以設定喺重播嗰陣省略影格
促進生產力嘅功能
輔助尺
使用輔助尺嚟協助你畫出完美嘅圖形。輔助尺工具支援直線、消失點透視、橢圓形、曲面魚眼透視等等。
了解更多圖層管理
除咗顏料圖層（手繪、點陣圖），Krita 亦都支援向量圖層、濾鏡圖層、分組圖層、檔案圖層等等。你可以將圖層分組、重新排序、合併嚟整理畫作。
了解更多選取區域與變形
選取畫布嘅一部分嚟限制可以繪畫嘅範圍。Krita 亦都支援改變選取區域，包括增加或者減少選取區域等操作，另外亦可以將選取區域羽化或者反轉。選取區域遮罩功能等你可以用筆刷嚟改變選取區域。
了解更多
完整嘅色彩管理
Krita 支援完整嘅 ICC 同 EXR 色彩管理（分別透過 Little CMS 同 OpenColor IO）。你可以將 Krita 整合到你現有嘅色彩管理流程。Krita 亦內置涵蓋各種唔同用途嘅 ICC 工作色彩空間特性檔。
了解更多GPU 圖形加速
啟用咗 OpenGL 或者 Direct3D 圖形加速嗰陣，畫布旋轉同縮放嘅效能將有所提升。縮小檢視時畫布呈現嘅畫質都會更好。Windows 版本支援用 Direct3D 11 嚟代替 OpenGL。
了解更多
支援 PSD 格式
開啟 PSD 檔案，甚至連部份 Photoshop 開唔到嘅檔案都能夠開啟。當你需要同其他程式互通作品嗰陣都可以載入或者儲存 PSD。
了解更多HDR 作畫
Krita 係唯一一個可以俾你開啟、儲存、編輯同建立 HDR 或者場景參照影像嘅繪圖軟件。加上支援 OCIO 同 OpenEXR，你可以透過調校檢視嘅呈現方式嚟檢查 HDR 影像。
了解更多Python 指令稿
強大嘅 API 配合 PyQt 程式庫，俾你建立自己嘅元件嚟擴展 Krita，可能性非常廣泛。Krita 已內置咗幾個外掛程式俾你參考。
了解更多
教材
除咗喺網上嘅訓練同教學素材之外，Krita 都提供咗官方嘅教材來幫助你快速學習所有工具。
了解更多
作畫：David Revoy